الرئيسية / مسابقات تفاعلية / ابحث عن البطاقه داخل القصه ، شغل مخك ياوحش

ابحث عن البطاقه داخل القصه ، شغل مخك ياوحش

السلام عليكم

اسعد الله جميع اوقاتكم زوار مخمخه بالخير والمسرات .

اليوم نفتتح قسم المواضيع التفاعلية باول موضوع وراح يكون هناك بطاقات شحن مفقوده

المطلوب البحث عنها ..

لا يوجد شروط للمسابقه , فقط اقبل التحدي وخلك قده 🙂

يوجد في الموضوع بطاقتين شحن (سواء \ موبايلي) كل الي عليك تركز بالموضوع

انا راح اللٌمح لمكان البطاقتين , يبيلك تركيييييز عالـــــــي .

انا وضعت بطاقتين عشان اذا ماعرفت تقدر تستعين بصديقك وتتقاسمون البطاقات بينكم 🙂

طبعاً قبل كل شي تاكد من القفل اسفل الموضوع

اذا كان بهذا الشكل Blue-open-lock-1202164053 هذا يعني انه مفتوح ولم يتم العثور على البطاقات .

اما اذا كان هكذا Blue-cloos lock-1202164053 هذا يعني انه مغلق وتم العثور على البطاقات 🙂

نبدء المسابقه :

هذي قصه قصيره اقراءها وركز فيها جيداً , راح تحصل البطاقتين .

القصه مضروبه اتمنى تفهمونها ههههههههههاي < لعانه =)

  • مفلح شاب لطيف في العشرينات من العمر , مستواه التعليمي خامس إبتدائي ليلي , تعرفه من ملفه العلاقي الاخضر يلعب بلوت والملف في جيبه .

كان يلعب بلوت واذا خسر طلع ملفه العلاقي وقام يقدم على الوظائف عن طريق جواله وشابك واي فاي مع خويه مسلط 2 قيقا .. حالته صعبه لكن لايزال مقتنع بانه سيجد وظيفه .

خلال بحثه وجد وظيفه بعنوان ( مطلوب حراس امن ) دخل مفلح الخبر وكان عنده احساس انهم راح يقبلونه , نزل شماغه وعدل جلسته وقام يسجل بياناته .

مفلح سجل بياناته وانتهى وكان فرحان , لكن بعد مانزل لاخر الخبر حصل احد المعلقين على الخبر يقول بان الوظيفه هذي للي عمره اكثر من 30 سنه .

اقل من 30 سنه مالك وظيفه عندهم .. ومفلح اقل من المطلوب ب 8 سنوات  ، اتشت معه وطقها بلوت وكبتوها عليه وسرا لبيتهم والحزن في وجهه . 🙂

انتهت القصه

يالله هجوووووووم على البطاقه :))

التعليقات في الاسفل وانا معاكم بساعدكم

Blue-cloos lock-1202164053

تم العثور على البطاقات ، الف مبروك للفائز 

حل اللغز : ابحث عن ( مطلوب حراس امن ) في موقع مخمخه

راح تجد اول موضوع بعنوان مطلبو حراس امن

ادخل عليه وانزل للتعليقات راح تحصل تعليق يقولك اذهب الى (رمزيات جميله)

ابحث مره اخرى في الموقع عن رمزيات جميله وراح تجد البطاقات بين الصور ..

 

53 تعليق

  1. الي يحصل البطاقات يكتب رد هنا
    يقول لنا كيف طلعها عشان مايتعبون الشباب في البحث

    مبروك مقدماً ياوحش

  2. وصلت لهذا الرقم.. علمني بس قربت ولا شطحت

    200030228

  3. اتوقع لها دخل بالتعليقات

  4. رقم البطاقه تتكون من عمره ومؤهله الدراسي وشروط الوظيفه اللي حصلها وبحجم النت اللي بجوال خوييه

  5. شابك ؛ سوا ، صح ؟

  6. كبوت وسرا ٤٨ 😂

  7. 22542303084

    هذا رقم البطاقة اتوقع

  8. شكلك تتونس علينا ياللي سويت اللعبه ..

  9. رزونه
    غلط غلط

    الرقم يطلع وااااااضح
    يعني كل الارقام تكون طالع

    ركزو

  10. 2222052130308
    هذا الرقم اللي طلع معي بس غلط

  11. عبدالله الزهراني

    ٢٠٥٢٣٠٢٢

  12. اتوقع ان الجواب سامج ومحد بيتوقعه لكني بحاول القاه

  13. مكتوب آخر شئ
    (البطاقات لاتزال مفقودة الى يومنا هذا)

    يعني مافي شئ اصلا ههههههههه
    اذا لقيتوها علمونا 😅

  14. طب الارقام اللي تطلع تحتاج ترتيب ؟

  15. 205104857630308؟ قربت

  16. 205104857630228

  17. ياشباب الرقم يطلع واضح بدون ترتيب

    فيه سطر لو تركز راح تطلع برا الموضوع وتحصله

  18. اعتقد انو الرقم والله اعلم يا
    205200030308

    او
    205230308

  19. الاجابة في الجزء الاخير من القصة؟؟

  20. وصلت للنهايه و المقصود والله نذاله 😂
    بس جربت الارقام ما ضبطت

  21. كأني بدأت افهم
    نهايه الحل اتصال صح ؟

  22. يارجال انحولت وانا اركز بالقصه وبجنبي ورقه وقلم وانواع الكتابه بهالارقام حتى مسلط خويوه حسبتوه معه هههههه وللأسف للحين ماضبطت البطاقه. يالله همتكم ياشباب

  23. لكن بعد مانزل لاخر الخبر حصل احد المعلقين على الخبر يقول بان الوظيفه هذي للي عمره اكثر من 30 سنه .اتوقع ان الحل له دخل ب هذا السطر😅.وتحت القصه مكتوب ان البطاقات لازالت مفقوده يعني م فيه😰

  24. الي طلع معي
    2058$20003030847

    هذا الرقم الي طلع معي
    الزبده ال$ اتوقع فيها رقم ماعرفته 😂

  25. 56102959

    انا قريب ؟ 🙈

  26. التعليقات في الاسفل وانا معاكم بساعدكم

    هذا الجواب

  27. الرقم
    302928272625248

  28. 2252303048

    هذا الجواب صح؟!

    • السطر هو هذا (خلال بحثه وجد وظيفه بعنوان ( مطلوب حراس امن )
      و انت قلت فيه سطر لو تركز عليه تطلع برا الموضوع و تحصله
      طلعت ع قوقل و بحثت و طلع مطلوب حراس امن دخلت بس نالقيت رقم بطاقه

      صح و الا شطحت مرره 😂 ؟

  29. 696667582693607

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *