الرئيسية / روايات جديده رواية روعه / رواية مى الحلقة الثالثة

رواية مى الحلقة الثالثة

مى
مى

مي : انت بتقول ايه يابابا
انور : يا مي انتي تتخطبي لمحمد وتشوفيه بس متحكميش عليه كده
مي:بس انا مش عاوزه اتجوز دلوقتي
انور : انا قلت كل الي عندي
مي بعد ما قامت من علي السفرة: بابا حرام عليك انا عمرى فحياتي ماطلبت حاجة فارجوك متجوزنيش غصب عني
سمر : غصب عنك ايه بس يا مي دا حتي ابوكي بيحبك
انور : دا اخر قرار عندي ومش عايزه اسمع كلام تاني
مي سابت الاكل ودخلت اوضتها وفضلت تعيط
وهي بتعيط بدات تفتكر احمد
وتاني مرة بيشوفوه بعض فيها كانت قعده علي الكافيه الي فالجامعه
وقتها مي كانت فاتحه الكتاب وبتراجع شوية حاجات وفجاه سمعت صوت
بترفع راسها لقته احمد
احمد : مي صح
مي : ايوه
احمد : انا احمد فكراني
مي : ايوة
احمد : طب انتي اخبارك ايه وعامله ايه فالجامعه
مى: لا كلوا تمام والحمد لله
احمد : طب كويس اوى انا همشي بقي دلوقتي ولو حاجه حصلت فالجامعه انتي بس تعالي وقوليلي واعتبرى الموضوع اتحل
مي بابتسامة : حاضر
احمد : طب يلا اسيبك بقي سلام
ولسه ومي سمع اذان الضهر مسحت دموعها وراحت اتوضت وصلت وبعد ما خلصت صلاه سمعت سمر بتنده عليها مي قامت علشان تشوف عايزه ايه
مي : نعم
سمر : انتي فاكرة ان بالدمعتين دول ابوكي هيحن ومش هيوافق علي الجوازه تبقي بتحلمي
مي : انتي ليه بتعملي فيه كده دنا حتي عمرى ما عملتلك حاجه وحشه
سمر باستحقار : مجرد انك عايشه دي حاجه بتغظني انا لو قدرت كنت قتلتك بس ليه اعمل كده وممكن اتحبس بسببك يلا روحي علي المطبخ علشان تعملي الغدا
مي دخلت المطبخ وبدات تحضر الغدا وهى بتعيط نفسها تموت فالحظه دي علشان متفضلش عايشه فالجحيم دا وبعد ما انور رجع من الشغل واتغدي راح اوضته علشان يرتاح شويه لان بعد ساعتين العريس هيوصل
مي بعد ما حضرت الغدا متغدتش ودخلت اوضتها وبدات تفكر ايه الي هيحصل لو اتجوزت بمحمد
هتفضل طول عمرها تحت ايد سمر وهتفضل عايشه فالجحيم دا علي طول
وبعدين افتكرت احمد ووعدها ليه انها هتتجوزه هو وبس
ورقدت علي السرير بتحاول تصبر نفسها وبعدين افتكرت احمد تاني
احمد : مي انتي فاكره اول يوم اتقبلنا فيه
مي بابتسامه :دا كان من سنه وشويه كان اول يوم ليا فالجامعه
احمد : طب كويس
مي: بتسال ليه
احمد : بصراحه يا مي وبعدين سكت
مي : قول يابني فيه ايه
احمد باندفاع : انا بحبك يا مي
مي حست بكسوف جامد وبصت فالارض : ان………. انا وبدءت تلقلل فالكلام مش عارفة تقول كلمتين علي بعض
احمد حس بالموضوع دا :لا لا انا مش عيزك تردي عليا انا كل الي انا عوزه انك تستنيني لغايه لما اخلص جامعه واجي اتقدملك رسمي
وفاقت مي علي صوت سمر وهي بتنده عليها
سمر وهى بتخبط علي باب اوضه مي ؛ مي ……..مي
مي قامت من علي السرير وفتحت لسمر الباب
مي : فيه حاجه
سمر بابتسامه خبيثه : يلا يا حبيبتي جهزى نفسك وتعالي علشان العريس وصل

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *