الرئيسية / روايات جديده رواية روعه / رواية مى الحلقة الرابعة

رواية مى الحلقة الرابعة

مى
مى 

مي : انا مش خارجه
سمر : عادي علي فكرة تقدرى تقعدي ومتخرجيش بس لما اقول لانور ويعلي عليه الضغط ويجراله حاجه بسببك يبقي متلوميش نفسك فالاخر وبعدين اديتها ضهرها وكانت ماشيه
مي بسرعه : استني ……. متقوليش لبابا حاجه انا شويه وجايه
سمر بضحكة انتصار : ايوه كده يا مي خليكي شاطره واسمعي الكلام علشان كل حاجه تمشي
وبعدين سمر مشيت
مي قفلت الباب وفتحت الدولاب بتاعها واختارت فستان ولبسته وبعدين قعدت قدام المرايه ومسكت المشط ودات تسرح شعرها والدموع نازله من عنيها مش رضيه توقف
مى بدات تفتكر اخر مره شافت فيها احمد
كان بعد ما ابوها رفض احمد علي طول
كان وقتها احمد زعلان ومخنوق
مي : يعني خلاص مفيش فايده صح
احمد مسك ايدها وبعدين قلها : مي تهربي معايا
مي وهي بتشيل ايدها : انت بتقول ايه
احمد : يا مي زى ما سمر مراة ابوكي اقنعت ابوكي انو يرفضني اكيد بعدين هتقدر تقنعه انك تتجوزى واحد علي مزجها وهتفضلي تتعذبي علي طول
مي : ولو انا مقدرش اعمل فبابا كده دا ممكن يموت فيها وغير كده ربنا عمره ما هيرضي عنا انا اسفه يا احمد وبعدين سبيته ومشيت
احمد بدا ينده عليها : مي……مي استني
وفجاه باب اوضتها بدا يخبط مي قامت وفتحت الباب
سمر : جهزتى
مي : ايوه
سمر اخدت مي وراحوا كان انور موجود وسلوى اخت سمر ورشاد جوزها ومحمد ابنهم
انور : اقعدي يا مي يابنتي
مي قعدت وبصت فالارض كان نفسها الارض تتشق وتبلعها كانت حاسه انها بتموت
سلوي : كبرتي يا مي وبقيتي زى القمر مش كده يا سمر
سمر : طبعا
رشاد : انور اكيد سمر قلتلك احنا جايين النهارده احنا جينا النهارده علشان نطلب ايد مي
انور : ايوه سمر فعلا قلتلي علي الموضوع دا
رشاد : وانت ايه رايك
انور : والله انا مليش حق اني ارفض محمد شاب ماشاء الله محترم ومفيش حاجه تعيبه
رشاد : طب علي بركت الله بالنسبه للخطوبه ياريت تكون خلال اليومين الجيين دول علشان محمد مسافر الاسبوع الجي مصر علشان شغل وهيقعد هناك شهرين قلت ايه
سمر : رشاد معاه حق يا انور مفيش حاجه لو عملنا الخطوبه بعد يومين
انور : خلاص مفيش مشكله زى بعضوا
فالوقت دا كانت مي حابسه دموعها بالعافيه كلهم قاعدين بيبيعوا ويشتروا فيها ومحدش فكر ياخد رائيها فالموضوع دا
رشاد قام هو وسلوى ومحمد : احنا هنمشي بقا
انور :لسه بدرى خليكوا قعدين
رشاد: معلش بقا المره الحايه يلا السلام عيكم
انور : وعليكم السلام وبعدين مشيوا
مي اول ما مشيوا دخلت اوضتها من غير متقول ولا كلمه زى ما تطون استسلمت للامر الواقع
انور : انا حاسس يا سمر اني ضغط علي مي اوى
سمر : بكره تعرف ان دا كله لمصلحتها

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *