الرئيسية / روايات جديده رواية روعه / رواية مى الحلقة العاشرة

رواية مى الحلقة العاشرة

مى
مى

عمر بانفعال : انتي تخرسي خالص ومش عايزك تتكلمي فالموضوع دا تاني اقولك حاجه انا مش عايزك تتكلمي اصلا اخرجي بقا من حياتي
مي : انت بتحبها بس علشان خايف انك متشوفهاش تاني مش راضي تقولها بس هيجي يوم وتندم علي الموضوع دا وبالنسبالي انا مش هفضل هنا كتير انا عايزاك تسمعني بس والا متتوقعش مني اني امشي قبل ما اقول الي عندي
عمر : يووووه انا سياب البيت كله وياريت متجيش ورايا
وبعدين عمر فتح باب اوضته وخرج فالوقت دا كان كمال لسه قايم من النوم
كمال وهو بيتوب : رايح فين يا عمر
عمر : خارج بره عايز اشم شويه هوا
كمال : اه صح انت كنت بتتكلم مع مين من شويه وبتزعق
عمر : التلفون يا جدى التلفون وفتح باب الشقه وخرج
مي خرجت من اوضه عمر وهي متغاظه : انا بكرهه بجد انا عملت ايه بس علشان يزعقلي كل دا علشان عايزه مصلحتوا وكمان عرضت عليه المساعده وهو رفض انا بكره
فالوقت دا كمال قعد علي السفره وكان باين علي وشه انوا زعلان
مي لحظت الموضوع دا : وانت كمان ايه الي زعلك ………. اوعي تقول اني السبب برضوا انا حاسه ان كل المصايب الي فالبيت دا بتحصل بسببي ………. هي مش كلها بسببي يعني
يعني بزمتك يا عموا انا كنت غلتحبني

فالكلام من شويه
مهو فعلا بيحبها يبقا ايه المشكله لو قلها ……….. يوه نسيت انك مش سمعني وحتي الشخص الوحيد الي بيسمعني مش راضي يسمعني انا بجد متغاظه
كمال بزعل : انا بجد مش عارف اعمل معاك ايه يا عمر بجد مهما عملت حاسس ان ده مش كفايه من وقت ما باباك ومامتك ماتوا وانت صغير
وجيت عشت معايا وانت غير كل العيال لا بتخرج تلعب ولا عندك صحاب وديما قاعد فالبيت وفضلت كده لغايه دلوقتي معندكش صحاب وديما لوحدك انا خايف لما اموت تفضل لوحدك
مي بحزن : علشان كده هو علي طول قاعد مع جده
مي بابتسامه حزينه : انا النهارده اكتشفت اني وعمر شبه بعض فحاجات كتير اوى بس علي الاقل عمر كان عنده جده انا بقا حتي بابا سمره خدته
فالوقت دا كان عمر ماشي فالشارع بيفكر فكلام مي
عمر: ياريتني كنت وافقت انها تساعدني
عمر بسرعه : ايه الي انا بقوله دا لالالالا ………. وبعدين حتي لو ساعدتني برضوا مش هيحصل حاجه مني هتفضل شيفاني كزميل لها فالشغل مش اكتر دا غير الكسفه الي اتكسفتها النهارده بسبب البتاعه دي ………. انا مدايق يارب تحل عن سمايا بقي
عمر رجع البيت كانت الدنيا عصر
كمال اول ما شاف عمر : اخيرا يا عمر رجعت وبعدين قولتلك ميت مره خد التلفون معاك قبل ما تخرج كل مره تسيبه فالبت وتخرج
عمر : اوعدك المره الجايه
كمال : طب يلي علشان نتغدا انا استنيتك النهارده علشان نتغدي مع بعض يلا
عمر : خلاص ماشي هغير هدومي واجي
ودخل عمر اوضته بيبص يمين وشمال ملقاش مي : هي مشيت ……… احسن برضوا
مي فالوقت دا كانت خرجت علشان تدور علي احمد المرادي مش فالشركات قررت المرادي انها تدور فالمحلات فالشوارع فالسوبر ماركت
بعد ما عمر غير هدومه خرج علشان يتغدي
عمر بعد ما خلص اكل : تسلم ايدك يا جدي انا داخل بقا عندي شويه شغل عايزه اخلصوا
كمال : خلاص ماشي ياعمر
عمر دخل اوضته وخرج شويه اوراق وبدا يراجع فيهم
الليل جه
مي لما ملقتش احمد راحت وقعدت علي شط البحر
مي وهي بتبص للبحر : انا بجد مش عايزه اعرف الي حاصلي لاني مش عايزه ارجع للجحيم الي كنت عيشاه تاني ……… مع اني متاكده اني مش هفضل علي الحال دا كتير
مي : انا هضل هنا لغايه بكره بعد ما عمر يروح الشغل علشان شكله متدايق
مي وهي متديقه : بجد انسان غلس
عمر كان خلص ورقد علي السرير وبعدين نام
تاني يوم الصبح عمر قام دخل الحمام غسل وشه وبعدين خرج علشان يلبس ويروح الشغل
بعد ما لبس وبيظبط فالجرافته افتكر مي بيبص يمين وشمال ملقهاش
بعد ما لبس الجرافته وخرج بدا يدور فالشقه ملقهاش
عمر : يارب تكون مشيت علي الاقل تريحني من زنها
وبعدين عمر دخل المطبخ وحضر الفطار وصح جدوه وبداوا يكلوا
عمر بعد ما خلص : يلا يا جدي بقا انا ماشيه علشان متاخرش علي الشغل
كمال : تروح وترجع بالسلامه
عمر خرج من البيت وراح الشغل
لما دخل الشركه كل الي فالشركه بدا يبصله ويضحك
عمر باستغراب : هما ليه بيبصولي اوى ك……. اه صح من موقف امبارح ازاى نسيت وبعدين دخل المكتب وبدا يشتغل فالوقت دا كانت لسه منى مجتش
واول ما جت من دخلت المكتب بتاعوا
مني : عمر انت كويس
عمر بابتسامه : انا تمام
مني : اصلك مشيت امبارح بسرعه افتكرت ان حصلك حاجه
عمر : لا انا كويس الحمد لله
مني : طب كويس انا ريحه بقي المكتب بتاعي علشان المدير لو جه وملقانيش هتحصل مصيبه
عمر : خلاص اتفضلي
مني رجعت مكتبها تاني
وبعد ساعه كان عمر بيشتغل بيبص كان نفس الشخص الي بيكلم مني امبارح موجود النهارده عمر عنيه بدات تضرب شرار
مقدرش يقعد فالمكتب كان عايز يعرف ايه الي هو بيقوله
خرج بر المكتب بتاعو ومشي لغايه لما بقي قريب من مكتب مني
بس من غير ما مني نلحظه
الشخص : يلا بقا يامني احنا اتاخرنا
مني بابتسامه : خلاص يا وائل انا هستاذن من المدير واجي معاك
وائل : طب يلا بسرعه
وبعدين راحت تستاذن من المدير وراحت هى وائل
عمر وقتها كان فعلا غيران علي الاخر : مين دا ……. ليه تخرج معاه
وبعدين افتكر كلام مي خرج من الشركه وبدا يجرى بسرعه
واول ما وصل البيت كان جده كمال نايم
دخل اوضته وبدا يدور علي مي
عمر بشويش : انتي ……. يا ( مش فاكر اسمها )
ملقاهاش فالاوضه : هي راحت فين دي
وبعدين خرج من اوضته وبدا يدور فالشقه ملقهاش
عمر بياس : اكيد مشيت ولسه بيبص لقاها خارجه من اوضه كمال
مي بتفاجأ : عمر انت مش فالشغل
عمر : كنت عايز اقولك حاجه
مي بصت يمين وشمال : ايه دا انت بتكلمني ……… واااو اخيرا
موضوع ايه
عمر بتوتر : بخصوص موضوع امبارح انا موافق عليه
مي باستغراب : موضوع ايه
عمر : موضوع امبارح
مي : الي هو ايه يعني
عمر : انا موافق انك تساعديني ان مني تحبني

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *